جھڑپوں اور سرنگ کے دھماکوں میں آٹھ مصری اہلکار ہلاک

قاہرہ: مصر کے شمالی صوبہ سینا میں مصری فوج کی دہشتگردوں کے ساتھ مختلف جھڑپوں میں آٹھ اہلکار ہلاک اور متعدد زخمی ہو گئے جبکہ فوج اور سکیورٹی فورسز کی دہشتگردوں کے خلاف مشترکہ کارروائیوں میں اب تک 18 جنگجووں کو ہلاک کر دیا گیا اور بھاری اسلحہ وبارود بھی تباہ کر دیا گیا، عرب ٹی وی کے مطابق یہ جھڑپیں جزیرہ نما سینا کے شمال کے مختلف علاقوں میں ہوئیں، شیخ زوید نامی علاقے میں دہشت گردوں نے گھات لگا کر فوجی قافلے پر حملہ



کردیا، جس کے نتیجے میں ایک پولیس اہلکار ہلاک اور 8 فوجی زخمی ہوئے۔
 ادھر المکتع علاقے میں دہشت گردوں کی فائرنگ سے ایک پولیس اہلکار ہلاک ہوگیا۔ اسی طرح الغورہ نامی دیہات کے قریب بارودی سرنگ کے دھماکے میں 2 فوجی ہلاک اور 2 زخمی ہو گئے۔ مصری فوج کے ترجمان بریگڈئیر محمد سمیر نے کہا کہ فوج اور سکیورٹی فورسز کی دہشتگردوں کے خلاف مشترکہ کارروائیوں میں اب تک 18 جنگجووں کو ہلاک کر دیا گیا اور بھاری اسلحہ وبارود بھی تباہ کر دیا گیا ہے